*కమీషనరేటు పరిధిలోని విధ్యార్థిని, విధ్యార్థులకు యువతకు ఔత్సాహిక ఫోటోగ్రాఫర్లకు ఫోటోగ్రఫీ, షార్ట్ ఫిలిం పోటీలకు ఆహ్వానం : పోలీస్ కమీషనర్ వెల్లడి*

నిజామాబాద్ అక్టోబర్ 11:(నిఘానేత్రం ప్రతినిధి)శాంతి భద్రతల సమాజ రక్షణలో తమ ప్రాణాలను సైతం తృణప్రాయంగా పెట్టి పోరాడి వీరమరణం పొందిన అమర పోలీసుల జ్ఞాపకార్ధం అక్టోబర్ 21 నాడు జరుగు పోలీస్ ఫ్లాగ్ డే సందర్భంగా పోలీస్ రిలేటెడ్ అంశం మీద ఫోటోగ్రఫీ, షార్ట్ ఫిలిం తీయడానికి నిజామాబాద్, ఆర్మూర్, బోధన్ డివిజన్ పరిధిలోని ఆసక్తి గల యువతకు ఔత్సాహిక ఫోటోగ్రాఫర్లు ముందుకు రావాలని నిజామాబాద్ పోలీస్ కమీషనర్ కల్మేశ్వర్ సింగెనవార్, ఐ.పి.యస్ తెలిపారు.

ఇందులో భాగంగా ఫోలీసుల త్యాగాలు, పోలీసు విధుల్లో ప్రతిభను తెలిసే విధంగా ఉండే తీసిన (3) ఫోటోలు, తక్కువ నిడివి (3 నిమిషాలు) గల షార్ట్ ఫిలిమ్స్ తీసి రాష్ట్ర స్థాయి పోటీల కోసం ఈ నెల 19 వ తేదీ సాయంత్రంలోగా కమీషనరేటు పోలీస్ కార్యాలయంలోని ఎన్.ఐ.బి ఇన్సెపెక్టర్ లేదా పోలీస్ పి.ఆర్.ఓ కు అందజేయాలన్నారు. ఇట్టి షార్ట్ ఫిలిం 3 నిమిషాలు మించకూడదు. 10 x 8 సైజ్ ఫోటోలను షార్ట్ ఫిలింను పెన్ డ్రైవ్ లో మీ యొక్క పూర్తి వివరాలతో అందజేయాలని, కమీషనరేటు స్థాయిలో ఎంపిక అయిన మూడు షార్ట్ ఫిలింలను, ఫోటోలను రాష్ట్ర స్థాయి పోటీల గురించి రాష్ట్ర డి.జి.పి ఆఫీస్, హైదరాబాద్ కు పంపించడం జరగుతుందన్నారు. మరిన్ని వివరాల కోసం 9440001827 నెంబర్ కు సంప్రదించాలన్నారు.